აქსის თაუერსის – თბილისის ახალი ლენდმარკის, დედაქალაქის ცენტრში განთავსებული ცათამბჯენის ერთ-ერთი მიმართულება – სავაჭრო ცენტრი ფუნქციონირებას იწყებს.
„აქსის თაუერსის“ 5 დეველოპერულ მიმართულება აერთიანებს – 5 ვარსკვლავიანი სასტუმრო პულმანს, ბიზნესცენტრს, გასართობს, საცხოვრებელს და კომერციულ სივრცეებს. კომპლექსში ასევე განთავსდება საგამოფენო და რეკრიაციული სივრცეები.
ულტრათანამედროვე კომპლექსის პირველი ბინადარი, 26 მარტიდან, აგროპროდუქტების პოპულარული ჰიპერმარკეტი – „აგროჰაბი“ იქნება, რომლის ძირითადი კონცეფცია მომხმარებლისთვის 100%-ით ჯანსაღი და ნატურალური პროდუქტების მიწოდებაა.
„აქსის თაუერსში“ „აგროჰაბის“ განთავსების თაობაზე გადაწყვეტილება მხარეებმა რამდენიმე თვის წინ, კერძოდ, 2018 წლის 9 აგვისტოს გაფორმებული მემორანდუმის საფუძველზე განსაზღვრეს. ჰიპერმარკეტი კომპლექსის კომერციული სივრციდან 2460 კვ.მ-ს დაიკავებს.
